Search
"ლიბერალი" მისამართი: თბილისი, რუსთაველის 50 ტელეფონი: +995 32 2470246 ელ. ფოსტა: [email protected] Facebook: https://www.facebook.com/liberalimagazine
გაგზავნა
გაგზავნა

შსს: ბათუმში ძლიერი ქარის შედეგად 4 ადამიანი დაშავდა

16 იანვარი, 2019 15:43

შინაგან საქმეთა სამინისტროს ინფორმაციით,  ბათუმში ძლიერი ქარის შედეგად მოქალაქეების  დაშავების და ავტომობილების დაზიანების 17 ფაქტზე დაიწყო გამოძიება.  დაშავებულია 4 ადამიანი, მედიკოსების პირველადი ინფორმაციით, მათ სიცოცხლეს  საფრთხე არ ემუქრება. 

ქარმა ასევე დააზიანა შენობა-ნაგებობების სახურავები და საცხოვრებელი სახლების შუშები. 

მათივე ინფორმაციით, დღის განმავლობაში ძლიერი ქარის გამო შინაგან საქმეთა სამინისტროს  საგანგებო სიტუაციების მართვის სამსახურში შევიდა  40 შეტყობინება. 

„ყველა  შემთხვევაზე პოლიციის თანამშრომლებმა და მეხანძრე-მაშველებმა მოახდინეს  სწრაფი რეაგირება. მიმდინარეობს დაზიანებული სახურავების გამაგრების და ქარისგან წაქცეული ხეებისგან ​ჩახერგილი გზების გაწმენდითი სამუშაოები. 

აჭარის პოლიციის დეპარტამენტმა მოქალაქეების დაშავების ფაქტზე გამოძიება სისხლის სამართლის კოდექსის 240-ე (სამშენებლო სამუშაოების უსაფრთხოების  წესების დარღვევა) და 124-ე (ჯანმრთელობის ნაკლებად მძიმე ან მძიმე დაზიანება გაუფრთხილებლობით) მუხლებით დაიწყო. რაც შეეხება ავტომობილების  დაზიანების ფაქტებს - გამოძიება სისხლის სამართლის კოდექსის 188-ე მუხლით მიმდინარეობს, რაც სხვისი ნივთის გაუფრთხილებლობით დაზიანებას  გულისხმობს“,-ნათქვამია გავრცელებულ განცხადებაში.   

ბათუმში, რთული მეტეოროლოგიური პირობებიდან გამომდინარე, საპატრულო  პოლიციის თანამშრომლები საგზაო მოძრაობას არეგულირებენ. მოქალაქეთა  უსაფრთხოების ზომების დაცვის უზრუნველსაყოფად ბათუმის რამდენიმე ქუჩაზე  ავტოტრანსპორტის და ქვეითთა მოძრაობა შეზღუდულია. 
 

ფოტო: აჭარის ტელევიზია

კომენტარები

ამავე რუბრიკაში

23 აგვისტო
23 აგვისტო

ია კერზაიას საქმეზე პროკურატურამ გამოძიე ...

საქართველოს გენერალური პროკურატურის ინფორმაციით, უწყებაში ჩატარებული გამოძიების შედეგად, ზუგდიდის მე-6 საჯარო სკოლის ინს ...
23 აგვისტო
23 აგვისტო

დაავადებათა კონტროლის ეროვნული ცენტრი მო ...

დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელი  ამირან გამყრელიძე &n ...
23 აგვისტო
23 აგვისტო

არხანგელსკის ბირთვული ინციდენტი

8 აგვისტოს რუსეთის უკიდურეს ჩრდილოეთში, არხანგელსკის სამხედრო ბაზაზე მომხდარი აფეთქების გამომწვევი მიზეზებისა და შედეგებ ...
^