საქართველოს პრემიერ-მინისტრის გადაწყვეტილებით, თბილისში, ბუნებრივი აირის გაჟონვის შედეგად დატრიალებული ტრაგედიის გამო, 17 იანვარი გლოვის დღედ გამოცხადდა.
„შესაბამის განკარგულებას მთავრობის მეთაურმა ხელი ცოტა ხნის წინ მოაწერა. განკარგულების თანახმად, გლოვის დღესთან დაკავშირებით, საქართველოს ტერიტორიაზე ყველა ადმინისტრაციულ შენობაზე და საზღვარგარეთ საქართველოს დიპლომატიურ წარმომადგენლობებზე სახელმწიფო დროშები დაეშვება“, - წეროა საქართველოს მთავრობის განცხადებაში.
დიდ დიღომში აფეთქების შედეგად გარდაიცვალა 4 ადამიანი, ხოლო დაშავდა 8. აქედან, 7 ბავშვია. მომხდარი აფეთქების შედეგად დაშავებული 4 წლის ბავშვი რამდენიმე წუთის წინ გარდაიცვალა. მისი მდგომარეობა მძიმე იყო. ის „იმედის“ კლინიკაში იმყოფებოდა. ამის შესახებ ინფორმაცია ჟურნალისტებს კლინიკის ექიმმა დაუდასტურა.
აფეთქების შედეგან დაშავებული ბავშვები იაშვილის კლინიკაშია. როგორც მინისტრი ამბობს, მათ სიცოცხლეს საფრთხე არ ემუქრება. ერთი ბავშვი „იმედის“ კლინიკაშია. მის მდგომარეობა მძიმეა. რაც შეეხება მერვე დაშავებულს, ის სრულწლოვანია და ღუდუშაურის კლინიკაში იმყოფება.
საცხოვრებელ კორპუსში აფეთქება დაახლოებით 9 საათზე მოხდა. სავარაუდოდ, აფეთქება ბუნებრივი აირის გაჟონვამ გამოიწვია.