გუშინ დიდ დიღომში საცხოვრებელ კორპუსში მომხდარ აფეთქებას 4 ადამიანი ემსხვერპლა, მათ შორის ერთი მცირეწლოვანი. დაშავდა 8 ადამიანი.
დიდ დიღომში მცხოვრები ილია ბუზალაძე გუშინდელ აფეთქებას იხსენებს. როგორც ის ამბობს, კორპუსში გაზის მძაფრი სუნი იგრძნობოდა, რასაც ყაზტრანსგაზის თანამშრომლებმა ყურადღება არ მიაქციეს. მისივე თქმით, მოსახლეობამ ყაზტრანსგაზს ორჯერ დაურეკა, თუმცა ორივე შემთხვევაში ყაზტრანსგაზის თანამშრომლებმა შემოწმების შემდეგ პრობლემა ვერ აღმოაჩინეს და წავიდნენ.
„მე რომ მოვედი, ჩემთან ერთად პიროვნება იყო, ლიფტში შევედით ერთად, სუნი იდგა, აღვნიშნეთ ეს ფაქტი. მეექვსე სართულზე გავიდა ეს პიროვნება. მე ავედი მეცხრეზე, მერე, როგორც გავიგე, ეს პიროვნება გარდაცვლილა, შევიდა ბინაში, აანთო შუქი და ... ლიფტიდან ორი ნაბიჯით გამოვასწარით და გადავრჩი.
ყაზტრანსგაზის უპასუხისმგებლობა იკეთება, რომ მოვიდნენ ერთხელ შეამოწმეს, მეორედ, თუ სადარბაზოში დგას სუნი, ესე იგი, საიდანღაც არის პრობლემა. უნდა დაევლოთ, მთელი სადარბაზო ურეკავს, შედი ბინაში, შეამოწმე, ყველა ვარიანტში უნდა შეემოწმებინათ“.
დიდ დიღომში მომხდარ აფეთქებასთან დაკავშირებით შსს-მ გამოძიება დაიწყო
„ყაზტრანსგაზ-თბილისი“ განცხადებას ავრცელებს
