იგოეთთან მოყინული გზის გამო ერთმანეთს 20-ზე მეტი მანქანა შეეჯახა. ამის შესახებ ინფორმაცია „ლიბერალს“ შსს-ში დაუდასტურეს.
მათი თქმით, ამ დროისთვის არ აქვთ ინფორმაცია დაშავებულების შესახებ.
„ჯერჯერობით, არავინ არ არის საავადმყოფოში გადაყვანილი. თუმცა სასწრაფო ადგილზეა და ამოწმებს მგზავრების ჯანმრთელობის მდგომარეობას. ავარია სხვადასხვა წერტილში მოხდა, დაახლოებით 3 წერტილია, სადაც მოცურების შემთხვევები დაფიქსირდა და მანქანები შეეჯახნენ ერთმანეთს. ჯამში 20-ზე მეტი მანქანაა, ზუსტი რაოდენობის თქმა ჯერ არ შეგვიძლია“, - განუცხადეს „ლიბერალს“ შსს-ში.
