11 იანვარს ცნობილი გახდა, რომ პრემიერ-მინისტრ მამუკა ბახტაძის გადაწყვეტილებით, გრიპის საწინააღმდეგო პრეპარატ „ტამიფლუს“ ექიმის დანიშნულებით ყველა მოქალაქე უფასოდ მიიღებდა.

ამისთვის, სოციალური მომსახურების სააგენტოს უფლება მიეცა, აღნიშნული მედიკამენტი გამარტივებული შესყიდვის საშუალებით შეეძინა, რაც ნიშნავს იმას, რომ შემსყიდველი ამ შემთხვევაში სოციალური მომსახურების სააგენტომ მიმწოდებელი კომპანია თავად აარჩია.

სახელმწიფო შესყიდვების სააგენტოს ვებგვერდზე არსებული დოკუმენტაციით ცნობილი ხდება, რომ მთავრობამ 10 000 კოლოფი ტამიფლუ შეისყიდა და მასში 153 000 აშშ დოლარი გადაიხადა.

ხელშეკრულება 11 იანვარს შვეიცარიულ კომპანისთან - F. Hoffmann-La Roche ltd-სთან გაფორმდა.

როგორც კომპანიასთან გაფორმებულ ხელშეკრულებაშია აღნიშნული, ერთი კოლოფის ფასი 25.59 დოლარს შეადგენდა, თუმცა ფასდათმობის შედეგად ასანაზღაურებელი ერთეულის თანხა 15.3 დოლარით განისაზღვრა.

შედეგად, 10 000 კოლოფი ტამიფლუ მთავრობამ 153 000 დოლარად შეიძინა (ერთი კოლოფის ფასი 15.3 დოლარი);