„ლიბერალი“ აცხადებს ყოველთვიურ ფოტოკონკურსს, რომელშიც ნებისმიერ მსურველს შეუძლია მონაწილეობის მიღება.

კონკურსის წესების თანახმად, თითოეულმა ავტორმა მხოლოდ ერთი ფოტო უნდა გამოგზავნოს. ყველა გამოგზავნილი ფოტო აიტვირთება „ლიბერალის“ Facebook-გვერდზე.  

საკონკურსო  ფოტოების მიღება დაიწყება 21 იანვრიდან და დასრულდება 25 თებერვლის 24 საათზე.

როგორ გამოვლინდება გამარჯვებული

რეაქციების რაოდენობის მიხედვით, „ლიბერალის“ Facebook-გვერდზე ატვირთული ფოტოებიდან გამოვლინდება მნახველების 3 რჩეული ფოტო. ასევე, 3 რჩეულ ფოტოს გამოავლენს „ლიბერალის“ რედაქცია. ჟიურის თავმჯდომარეა „ლიბერალის“ ფოტორედაქტორი ლევან ხერხეულიძე.

გამარჯვებული ფოტოები გამოქვეყნდება ჩვენს ვებგვერდსა და ინსტაგრამზე, წლის ბოლოს კი კონკურსის ფარგლებში გამართულ გამოფენაზე იქნება წარმოდგენილი.

ფოტოკონკურსის პირველი თემაა: სიყვარული

ფოტო, შეიძლება, გადაღებული იყოს როგორც ფოტოკამერით, ასევე მობილურით. მიიღება  შავ-თეთრი და ფერადი ფოტოები.

კონკურსში მონაწილეობის მისაღებად უნდა გამოგზავნოთ ფოტო ელ. ფოსტაზე: [email protected] გამოგზავნისას Subject-ში მიუთითეთ ფოტოკონკურსის თემის სახელწოდება. აგრეთვე, სავალდებულოა ფოტოს ავტორის სახელისა და გვარის მითითება.