გერმანიის ქვედა პალატამ, ბუნდესტაგმა, საქართველოს უსაფრთხო ქვეყნების სიაში შეყვანას დაუჭირა მხარი. ამ გადაწყვეტილების დამტკიცების შემთხვევაში, საქართველოდან ჩასულ თავშესაფრის მაძიებლებს გერმანიაში აღარ მიიღებენ. ინფორმაციას „როიტერსი“ ავრცელებს.
საქართველოსთან ერთად აღნიშნულ სიაში მოხვდნენ მაღრიბის ქვეყნები - ტუნისი, მაროკო და ალჟირი.
თუმცა ბუნდესტაგის ეს გადაწყვეტილება, რომელსაც პარლამენტში ადვოკატირებას შინაგან საქმეთა მინისტრი ჰორსტ ზეეჰოფერი უწევს, შესაძლოა, ზედა პალატაში მწვანეებმა დაბლოკონ. ისინი ეწინააღმდეგებიან გერმანიაში გამკაცრებულ საიმიგრაციო პოლიტიკას, რომლის გატარებასაც მემარჯვენე პარტიები დიდი ხანია ცდილობენ. მწვანეებმა ბუნდესტაგის მსგავსი გადაწყვეტილება შარშან ერთხელ უკვე დაბლოკეს.
