განათლების, მეცნიერების, კულტურისა და სპორტის მინისტრის მიხეილ ბატიაშვილის განცხადებით სკოლებში სწავლა ორშაბათიდან, 21 იანვრიდან დაიწყება.

„წითელაზე ძალიან აქტიურად ვართ შესაბამის ორგანიზაციებთან ჩართული. დღესაც გავავრცელეთ რეკომენდაციები, რომელიც მოიცავდა შესაბამისი მოქმედებების გატარებას სკოლებში. ორშაბათს სასწავლო პროცესი დაიწყება, მაგრამ ჩვენ ყოველ საათობრივ რეჟიმში ვიქნებით ჩართულნი სკოლებთან, შესაბამის ორგანოებთან თუ რაღაცა ჩარევა დასჭირდა ან რაღაცა საფრთხე გაჩნდა, წამიერად მზად ვართ, რომ ნებისმიერ გადაწყვეტილება მივიღოთ, იმიტომ, რომ გვესმის სწავლა მნიშვნელოვანია, მაგრამ ასევე მნიშვნელოვანია ბავშვების ჯანმრთელობა. ამიტომ, ეს წითელას შეეხება თუ გრიპის ვირუსს, ჩვენ ყოველდღიურად დავაკვირდებით, სკოლებში ვივლით, ვნახავთ პროცესი როგორ მიმდინარეობს და თუ რამე ნაბიჯის გადადგმა გახდა საჭირო, უსწრაფესად მივიღებთ კონკრეტულ გადაწყვეტილებას",- განაცხადა ბატიაშვილმა.

სკოლებში სწავლის დაწყება გრიპის ვირუსის გამო გადაიდო და მოსწავლეებს ზამთრის არდადეგები 21 იანვრამდე გაუხანგრძლივდათ.