დიღომში მომხდარი აფეთქების საქმეზე დაკავებული ყაზტრანსგაზის თანამშრომლები თავს უდანაშაულოდ მიიჩნევენ, ამის შესახებ ჟურნალისტებს დაკავებული თორნიკე ტატიშვილის ადვოკატმა უთხრა.
"არ აღიარებენ იმიტომ, რომ შემოწმება მოხდა სრულყოფილად, სპეციალური აპარატების და სითხის მეშვეობით და არ დაფიქსირდა გაჟონვის კვალი. ალბათ, გაჟონვა მოხდა დახურული ბინიდან იმიტომ, რომ სადარბაზოს სრულად იქნა შემოწმებული და არ გამოჩნდა არც სუნი და არც გაჟონვის კვალი" - ამბობს ადვოკატი.
შეგახსენებთ, რომ აფეთქებას ოთხი ადამიანი, მათ შორის ერთ მცირეწლოვანი ბავშვი ემსხვერპლა.