დიდი დიღომში, გაზის დაგროვებით გამოწვეულ აფეთქების საქმეზე დაკავებულ ყაზტრანსგაზის თანამშრომლებს, თორნიკე ტატიშვილს და ვაზელ მამადიანს ბრალი წარუდგინეს.

პროკურატურა მათ სამსახურეობრივ გულგრილობას ედავება. 

ეს არის სისხლის სამართლის კოდექსის 220-ე პრიმა მუხლის მეორე ნაწილი,  აღნიშნული ბრალი 3-დან 5 წლამდე თავისუფლების აღკვეთას ითვალისწინებს.

ადვოკატი ითხოვს სასამართლომ აღკვეთი ღონისძიების არც ერთი სახეობა არ  გამოიყენოს ალტერნატივის სახით კი იგი გირაოს შეფარდების შუამდგომლობას დააყენებს.

დაკავებულები ბრალს არ აღიარებენ.

შეგახსენებთ, რომ აფეთქებას ოთხი ადამიანი, მათ შორის ერთ მცირეწლოვანი ბავშვი ემსხვერპლა.