„არა, ქიმიურ ტერმინალს; ნუ დანაღმავ ქალაქს“ - აქციის მონაწილეები ბათუმში, პორტის მიმდებარე ტერიტორიასთან აირწინაღებითა და სამედიცინო პირბადეებით მივიდნენ. მოქალაქეები ქიმიური ტერმინალის მშენებლობას აპროტესტებენ. ინფორმაციას აჭარის ტელევიზია ავრცელებს.
აქციის ორგანიზატორები ამბობენ, რომ ქალაქს ქიმიური ტერმინალის მშენებლობა ეკოლოგიურ საფრთხეს შეუქმნის.
აჭარის ტელევიზიის ცნობით, ბათუმში ქიმიური ტერმინალის მშენებლობის შესახებ ინფორმაცია, დაახლოებით ორი თვის წინ გავრცელდა და მოგვიანებით ფაქტი აჭარის მთავრობაშიც დაადასტურეს.
ფოტო: აჭარის ტელევიზია
