საქართველოს პრეზიდენტი სალომე ზურაბიშვილი სამუშაო ვიზიტის ფარგლებში ბრიუსელს ეწვია.
პირველი სამუშაო ვიზიტის ფარგლებში პრეზიდენტი შეხვდება NATO-ს გენერალურ მდივანს. ასევე დაგეგმილია შეხვედრა ჩრდილოატლანტიკურ საბჭოსთან და ევროპული საბჭოს პრეზიდენტ დონალდ ტუსკთან, ევროკომისიის პრეზიდენტ ჟან-კლოდ იუნკერთან, ევროპარლამენტის პრეზიდენტ ანტონიო ტაიანისთან, ევროპის კავშირის უმაღლეს წარმომადგენელთან, ფედერიკა მოგერინისთან და ევროკომისართან, მიგრაციის, საშინაო საქმეთა და მოქალაქეობის საკითხებში, დიმიტრის ავრამოპულოსთან.
შეხვედრებამდე, პრეზიდენტი ქართველ სტუდენტებსა და ქართული დიასპორის წარმომადგენლებს შეხვდა.