თბილისი-რუსთავის ავტომაგისტრალზე ავტოსაგზაო შემთხვევას ერთი მამაკაცი ემსხვერპლა.
როგორც „ლიბერალს“ შსს-ში განუცხადეს, ერთმანეთს ორი მსუბუქი ავტომობილი და ტრაილერი შეეჯახა. მომხდარზე გამოძიება სსკ-ის 276-ე მუხლის მეხუთე ნაწილით დაიწყო, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც ადამიანის სიცოცხლის მოსპობა გამოიწვია.