საქართველოს პრეზიდენტი სალომე ზურაბიშვილი ბრიუსელში სამუშაო ვიზიტის ფარგლებში ევროკავშირის სამეზობლო პოლიტიკისა და გაფართოების შესახებ მოლაპარაკებების საკითხებში, ევროკომისარ იოჰანეს ჰანს შეხვდა.
პრეზიდენტის ადმინისტრაციის ცნობით, შეხვედრაზე მხარეებმა ისაუბრეს საქართველოს ევროპულ მისწრაფებებზე, იმაზე, თუ რაოდენ მნიშვნელივანია ეს წელი საქართველო-ევროკავშირის ურთიერთობისთვის, რადგან აღინიშნება აღმოსავლეთ პარტნიორობის ათი წლისთავი.
მათი ინფორმაციით, პრეზიდენტმა შეხვედრაზე ისაუბრა საქართველოს ოკუპირებულ ტერიტორიებზე არსებულ მძიმე ჰუმანიტარულ მდგომარეობასთან დაკავშირებით.
შეხვედრები ასევე დაგეგმილია ევროპული საბჭოს პრეზიდენტ დონალდ ტუსკსთან, ევროკომისიის პრეზიდენტ ჟან-კლოდ იუნკერსა და ევროპარლამენტის პრეზიდენტ ანტონიო ტაიანისთან. საგარეო საკითხებთან დაკავშირებით შეხვდება ევროპის კავშირის უმაღლეს წარმომადგენელს, ფედერიკა მოგერინის და შეხვდება ევროკომისარს მიგრაციის, საშინაო საქმეთა და მოქალაქეობის საკითხებში დიმიტრის ავრამოპულოსს.
პრეზიდენტის ვიზიტი ბრიუსელში 23 იანვრამდე გაგრძელდება.
