ფრაქცია „ევროპული საქართველოს“ წევრმა, გიორგი კანდელაკმა ევროსაბჭოს საპარლამენტო ასამბლეის სესიაზე გამოსვლისას საქართველოში საარჩევნო გარემოზე საუბრისას ყურადღება ზუდიდის მე-6 საჯარო სკოლის ყოფილი დირექტორის ია კერზაიას საქმეზე გაამახვილა.
„ზუგდიდის ერთ-ერთი სკოლიდ დირექტორი, ია კერზაია გარდაიცვალა მას შემდეგ, რაც მან განაცხადა ხელისუფლების მხრიდან ზეწოლის შესახებ, სახელმწიფო მისგან მოითხოვდა მშობლებთან ეწარმოებინა წინასაარჩევნო კამპანია. ამ ფაქტთან დაკავშირებით განათლების მინისტრი ჯერ კიდევ უნდა წარსდგეს პარლამენტის წინაშე. ეს ტრაგედია უნდა იქნას გამოძიებული; და არც ერთი საჯარო მოხელე საქართველოში ან სხვაგან არ უნდა იყოს პოლიტიკური ზეწოლის მსხვერპლი საარჩევნო კამპანიებში ჩართვის მოთხოვნის გამო," - განაცხადა კანდელაკმა.
ზუგდიდის #6 საჯარო სკოლის დირექტორი ია კერზაია 9 დეკემბერს გარდაიცვალა. კერზაიას შვილი, ბაჩანა შენგელია დედის ჯანმრთელობის მდგომარეობის გაუარესებას მის მიმართ პოლიტიკურ ზეწოლას უკავშირებდა. ბაჩანა შენგელია, სკოლაში აუდიტის სამსახური შესვლას პედაგოგზე პოლიტიკური შეხედულების გამო ზეწოლად აფასებდა.
სამინისტროს განმარტება ზუგდიდის მე-6 საჯარო სკოლაში ჩატარებულ ინსპექტირებაზე
განათლების მინისტრი ია კერზაიას გარდაცვალებას პირველად გამოეხმაურა
„მე მაინტერესებს დამნაშავეების დასჯა და ყველაფერს გავაკეთებ ამისთვის“ - ინტერვიუ ბაჩანა შენგელიასთან
რის გამო მიიჩნია სამინისტრომ ია კერზაიას გათავისუფლება მიზანშეწონილად - ინსპექტირების დასკვნა