დღეს თბილისის საქალაქო სასამართლო ჭიდაობის ფედერაციის პრეზიდენტის, გეგა გეგეშიძის აღკვეთის ღონისძიების საკითხზე მსჯელობდა.
პროკურატურამ სასამართლოს აღკვეთის ღონისძიების სახით 5000-ლარიანი გირაოს გამოყენების შუამდგომლობით მიმართა. სასამართლომ პროკურატურის შუამდგომლობა დააკმაყოფილა და გეგა გეგეშიძე პატიმრობიდან გაათავისუფლა.
გეგა გეგეშიძე პოლიციამ სპორტის სასახლეში მომხდარ ფაქტთან დაკავშირებით სისხლის სამართლის კოდექსის 126-ე მუხლის 1 ნაწილით დააკავა, რაც ძალადობას გულისხმობს.
მოჭიდავე ზურაბ დათუნაშვილმა განაცხადა, რომ ფედერაციის პრეზიდენტმა მას საქართველოს ჩემპიონატის დროს დაწყებული დაპირისპირებისას რკინის ბლაგვი საგანი ჩაარტყა. საგნის სავარაუდო ჩარტყმა ჩანს კადრებშიც, რომელიც შემდეგ ტელეკომპანია „რუსთავი 2-მა“ გაავრცელა.