პარლამენტის თავმჯდომარემ ირაკლი კობახიძემ სასამართლო რეფორმის ფარგლებში გამართული საინიციატივო ჯგუფის შეხვედრის დასრულების შემდეგ ჟურნალისტებს განუცხადა, რომ დღევანდელ სამუშაო შეხვედრაზე პრინციპების განხილვა მოხდა, შემდეგ შეხვედრაზე კი გაგრძელდება დისკუსია თითოეულ ნორმასთან დაკავშირებით,რომელიც უნდა აისახოს კანონპროექტში.
„დღეს სამუშაო ჯგუფის პირველი შეხვედრა გაიმართა. ამ შეხვედრის მიზანი პრინციპების განხილვა იყო და ჩვენ განვიხილეთ ის წინადადებები, რომლებიც არის წარმოდგენილი კრიტერიუმებთან და პროცედურასთან დაკავშირებით. შემდეგ შეხვედრაზე გაგრძელდება დისკუსია თითოეულ ნორმასთან დაკავშირებით, რომელიც უნდა აისახოს კანონპროექტში. იყო საუბარი ყველა დეტალზე, რომელიც პრინციპული მნიშვნელობისაა. დღეს, ბუნებრივია, გადაწყვეტილებებს ვერ გამოვაცხადებთ. უახლოესი ერთი კვირის განმავლობაში დაიგეგემება შემდეგი შეხვედრა“,- განაცხადა ირაკლი კობახიძემ.
*********
დღეს უზენაესი სასამართლოს მოსამართლეების შერჩევის პროცედურების განსახილველად სამუშაო ჯგუფის შეხვედრის პარალელურად მოქალაქეთა საინიციატივო ჯგუფმა საპროტესო აქცია გამართა. სამუშაო ჯგუფის შეხვედრაზე უზენაესი სასამართლოს მოსამართლეობის კანდიდატების დასახელების პროცედურასა და კრიტერიუმებზე მსჯელობენ. სამუშაო ჯგუფში შედიან: საპარლამენტო უმრავლესობის, იურიდიულ საკითხთა კომიტეტის და იუსტიციის უმაღლესი საბჭოს წევრები.
ლევან მურუსიძეს აქციაზე შეკრებილები საპროტესტო შეძახილებით შეხვდნენ
„მართლმსაჯულების გადასარჩენად!" - აქცია იუსტიციის საბჭოსთან დაიწყო
უზენაესის მოსამართლეების თემაზე პარლამენტის სამუშაო ჯგუფში NGO-ები არ შევლენ
მოსამართლეები: NGO-ების გარკვეულმა ნაწილმა დაიწყო პროცესის ხელოვნური დისკრედიტაცია
