დღეს კახა კალაძემ განაცხადა, რომ თბილისის მერიის აუტიზმის სპექტრის დარღვევის მქონე ბავშვთა რეაბილიტაციის ქვეპროგრამაში ჩართულ მოსარგებლეთა რაოდენობა 1000-მდე გაიზრდება და 130-მდე მოლოდინის რეჟიმში მყოფი ბავშვი ქვეპროგრამით სარგებლობას შეძლებს.
„დღეის მდგომარეობით 850 ბავშვს ვაფინანსებთ, რომლებიც გადანაწილებულია 7 დაწესებულებაში, ეს დაწესებულებები მომსახურებას უწევენ ამ ბავშვებს, თუმცა მე როდესაც ვიყავი საკრებულოში მისული, ერთ-ერთი ოპოზიციური პარტიის მხრიდან დაისვა შეკითხვა, თუ იყო შესაძლებელი, რომ გაგვეზარდა პროგრამაში ჩართულ ბავშვთა რაოდენობა, მე როგორც ვიცი 130-ზე მეტი იყო მოლოდინის რეჟიმში, ჩვენ ერთობლივად დავხსედით, ოპოზიცური პარტიის წარმომადგენლებთან და მივიღეთ გადაწყვეტილება, რომ გავზარდოთ რაოდენობა 1000 ბავშვამდე, ანუ სრულად სრულად დავაკმაყოფილოთ ის ოჯახები და ბავშვები, ვინც მოლოდინის რეჟიმში იყო, ამისთვის მინდა გითხრათ, რომ 3 700 000 ლარს და ამ გადაწყვეტილებით დაახლოებით 445 000 ლარი გამოიყოფო იმისთვის, რომ დავეხმაროთ ოჯახებს და ამ ბავშვებს“, - განაცხადა კალაძემ.
თბილისის მერმა მადლობა გადაუხადა ოპოზიციურ პარტიას თანამშრომლობისთვის.
