„ციანიდის საქმეზე“ მსჯავრდებულ დეკანოზ გიორგი მამალაძეს თავისი მოძღვარი, დეკანოზი ნიკოლოზ გიგატაძე აზიარებს - ინფორმაციას აჭარის საზოგადოებრივი მაუწყებელი ავრცელებს.
„აჭარის ტელევიზიასთან“ დეკანოზის მოძღვარი ამბობს, რომ მას გიორგი მამალაძის ზიარების სურვილი აქამდეც ჰქონდა.
„როგორც ეს მოისმინეთ ტელევიზიით, კურთხევა გაიცა პატრიარქისგან. ვისაც სურვილი აქვს, შეუძლია, აზიაროს მოძღვარმა. მეც ვისარგებლებ ამ კურთხევით”.
საპატრიარქომ 5 თებერვალს განცხადება გაავრცელა, სადაც ნათქვამია, რომ თორნიკე მამალაძის მიერ საპატრიარქოს მიმდებარე ტერიტორიაზე კარვის დადგმამ მოთხოვნით, რომ მისი ძმა გიორგი მამალაძე აზიარონ ეკლესიაზე ზეწოლის სახე შესძინა. მათი თქმით, პატრიარქმა მიიღო გადაწყვეტილება, რომ ნებისმიერ მღვდელმსახურს, რომელსაც მიაჩნია, აღნიშნული პიროვნების ზიარება არის შესაძლებელი, შეუძლია ეს განახორციელოს, თუმცა ეს იქნება ამ სასულიერო პირის პირადი გადაწყვეტილება და პირადი პასუხისმგებლობა.
