„ვიზიტის ფარგლებში საქართველოს პრეზიდენტი შეხვდება საფრანგეთის რესპუბლიკის პრეზიდენტს ემანუელ მაკრონს.

დაგეგმილია შეხვედრები UNESCO-ს გენერალურ მდივანთან, სენატის პრეზიდენტთან. იგეგმება სხვა არაერთი შეხვედრა, ასევე ინტერვიუები „ლე მონდთან“, „ფრანს 24-სა“ და სხვა მედიასაშუალებებთან.

გარდა ამისა, პრეზიდენტი შეხვდება ქართველ სტუდენტებს და ქართული დიასპორის წარმომადგენლებს“, - განაცხადა პრეზიდენტის პრესსპიკერმა.

ხატია მოისწრაფიშვილის თქმით, საფრანგეთის შემდეგ სალომე ზურაბიშვილი, 20-21 თებერვალს სამუშაო ვიზიტით გერმანიაში გაემგზავრება.