თბილისში, ჩიქოვანის ქუჩაზე ერთ-ერთ საცხოვრებელ სახლში ხანძარი გაჩნდა. საგანგებო სიტუაციების მართვის სამსახურში „ლიბერალს" უთხრეს, რომ ცეცხლი საცხოვრებელი სახლის სახურავზე გაჩნდა და წინასწარი ინფორმაციით, დამწვარია დაახლოებით 50 კვ.მ.
როგორც საგანგებო სიტუაციების მართვის სამსახურში აცხადებენ, ადგილზე მობილიზებულია 4 სახანძრო-სამაშველო მანქანა და მიმდინარეობს სამუშაოები ცეცხლის ლოკალიზებისთვის.
სამსახურში აცხადებენ, რომ, მათი ინფორმაციით, არავინ დაშავებულა.
ფოტო: 1tv.ge
