დეკანოზ გიორგი მამალაძის მხარდასაჭერად დღეს საპატრიარქოსთან აქცია გაიმართა, რომელსაც მოქალაქეებთან ერთად სხვადასხვა პოლიტიკური პარტიების ლიდერებიც ესწრებოდნენ. 

საპატრიარქოსთან შეკრებისკენ საზოგადოებას დეკანოზის ძმამ, თორნიკე მამალაძემ მოუწოდა. 

მისი თქმით, დარწმუნდა, რომ მისი ძმის მოკვლა უნდათ და ამიტომ საზოგადოებას გვერდში დადგომა სთხოვა. 

აქციაზე მან პატრიარქს თხოვნით მიმართა, პრეზიდენტთან მისი ძმის შეწყალების საკითხზე შუამდგომლობა გაუწიოს.

გუშინ ბათუმის წმინდა ნიკოლოზის სახელობის ეკლესიის წინამძღვარმა, დეკანოზმა ნიკოლოზმა განაცხადა, რომ გიორგი მამალაძე ღუდუშაურის კლინიკაში აზიარა. 

გიორგი მამალაძე კლინიკაში ვაზიარე - დეკანოზი ნიკოლოზი

გიორგი მამალაძის ოჯახის წევრები საპატრიარქოს შენობასთან აქციებს მართავდნენ. ისინი დაკავებული გიორგი მამალაძის ზიარებას მოითხოვდნენ. 5 თებერვალს საქართველოს საპატრიარქომ განცხადება გაავრცელა, რომელშიც აღნიშნულია, რომ „ნებისმიერ მღვდელმსახურს შეუძლია, გიორგი მამალაძე აზიაროს, თუმცა ეს იქნება ამ სასულიერო პირის პირადი გადაწყვეტილება და პასუხისმგებლობა“.