საქველმოქმედო კამპანია „წითელი ცხვირების“ საქმეზე დღეს მოსამზადებელი სასამართლო სხდომა მორიგების ხელშეწყობის მიზნით გადაიდო. მხარეებმა მორიგების შესაძლებლობაზე ისაუბრეს და მზაობა გამოთქვეს. მომდევნო სხდომა 4 აპრილს ჩაინიშნა.
თეონა ბაღდავაძე აკა სინჯიკაშვილს რეპუტაციის შელახვისთვის სასამართლოში უჩივის
საგამოძიებო სამსახური: „წითელ ცხვირებზე“ სინჯიკაშვილის განცხადებაში დანაშაულის ნიშნები არ იყო
აკა სინჯიკაშვილი საგამოძიებო სამსახურის განცხადებაზე: ყველაფერს სასამართლო დაადგენს
საქმე ეხება, სასამართლოში მიმდინარე დავას თეონა ბაღდავაძესა და აკა სინჯიკაშვილს შორის. აკა სინჯიკაშვილმა ე.წ. წითელი ცხვირების გაყიდვით მიღებული თანხების მითვისებაში საქველმოქმედო კამპანიის ორგანიზატორი თეონა ბაღდავაძე დაადანაშაულა. მან ფინანსთა სამინისტროს საგამოძიებო სამსახურსაც მიმართა, თუმცა სამსახურმა დანაშაული ვერ აღმოაჩინა. თეონა ბაღდავაძემ კი აკა სინჯიკაშვილს საქალაქო სასამართლოში უჩივლა რეპუტაციის შელახვისთვის.
დღეს სხდომის დასრულების შემდეგ აკა სინჯიკაშვილმა ჟურნალისტებთან განაცხადა, რომ დღეს საღამოს Facebook-ზე დაწერს ყველაფერს და გააგებინებს საზოგადეობას თავის მოსაზრებას დავასთან დაკავშირებით.