პარლამენტის დეპუტატმა, „პატრიოტთა ალიანსის“ ყოფილმა წევრმა, ნატო ჩხეიძემ პლენარულ სხდომაზე სექსისტური განცხადება გააკეთა. მან თქვა, რომ ინფრასტრუქტურის სამინისტრო ქალისთვის მეტისმეტად მძიმე ტვირთია. დღეს პარლამენტში რეგიონული განვითარებისა და ინფრასტრუქტურის მინისტრს, მაია ცქიტიშვილს უსმენდნენ.
„მივესალმები მნიშვნელოვან პოსტებზე ქალების დანიშვნას, მაგრამ მაინც მგონია, რომ ამხელა მთავრობაში ისეთი რთული სამინისტროს განპირობება ქალზე, როგორიც ინფრასტრუქტურის სამინისტროა, მეტისმეტად მძიმე ტვირთია ქალისთვის. გგულშემატკივრობთ როგორც ქალს ამ მძიმე ტვირთის ზიდვაში“, - მიმართა ნატო ჩხეიძემ მაია ცქიტიშვილს.
