გორში 9 წლის გოგონას მკვლელობაში ბრალდებულის, იაგო ნებიერიძის ადვოკატმა, მარიამ პოპიაშვილმა განაცხადა, რომ იაგო ნებიერიძე დუმილის უფლებით სარგებლობს და ნაფიც მსაჯულთა სასამართლოზე უარი განაცხადა.
„მტკიცებულებები, რაც ჩვენთვის იყო გადმოცემული, სადავოდ ვცანით. იაგო ნებიერიძე დუმილის უფლებით სარგებლობს და ნაფიც მსაჯულთა სასამართლოზე უარი განაცხადა. საქმე არსებითად განსახილველად სასამართლოს გადაეცა. ნაფიც მსაჯულთა სასამართლოთი სარგებლობის უფლება იაგო ნებიერიძეს ფაქტობრივად მოესპო, იმის გამო, რომ ყველაფერი საინფორმაციო წყაროებით გავრცელებულია. შემდგომში დუმილს არ აპირებს. ექსპერტიზის დასკვნა, როცა სასამართლოზე იქნება გამოკვლეული და ექსპერტები დაიკითხებიან, მერე მოგაწოდებთ ინფორმაციას. გამამართლებელ განაჩენს ველოდები თუ არა, ამას არ და ვერ გეტყვით, მაგრამ არსებითი განხილვის ეტაპზე ყველაფერი გამოიკვეთება, თითოეულ მტკიცებულებას სამართლებრივი შეფასება მიეცემა", - განაცხადა ჟურნალისტებთან საუბრისას ადვოკატმა.
გორში 8 წლის გოგოს მკვლელობაში ბრალდებულს პატიმრობა შეეფარდა
