ბრალდებული ჯემალ (ბაჩო) სირაძე, რომელიც პოლიციას ნარკოტიკის ჩადებაში ადანაშაულებდა, სასამართლომ გაამართლა, - ამის შესახებ „ლიბერალს“ მისმა ადვოკატმა გიორგი მახარაძემ განუცხადა.
განაჩენი დღეს მოსამართლე ხათუნა ხარჩილავამ გამოაცხადა.
ადვოკატის თქმით, იმის დასადასტურებლად, რომ სირაძეს ნარკოტიკი ჩაუდეს, დაცვის მხარემ სასამართლოში ვიდეოჩანაწერები წარადგინა, სადაც ჩხრეკის ოქმთან შეუსაბამობები გამოვლინდა.
„ვიდეოჩანაწერებით დასტურდებოდა, რომ 32-წუთიანი ჩხრეკის ოქმი, რომელშიც პოლიციელები აღწერდნენ ბრალდებულის ჩხრეკას და ოქმის შედგენას, რეალურად კი იყო რამდენიმეწამიანი მოქმედება, კერძოდ ის, რომ ბაჩო სირაძე გადმოსვეს მანქანიდან, ჩასვეს მეორე მანქანაში და წავიდნენ“, - ამბობს მახარაძე.