„ქართული ოცნების“ პოლიტიკურმა მდივანმა და ყოფილმა პრემიერ - მინისტრმა ირაკლი ღარიბაშვილმა ტელეკომპანია „პირველის“ ეთერში პოლიტიკაში დაბრუნების მიზეზებზე ისაუბრა. მან თქვა, რომ იმავე მიზეზით დაბრუნდა, რა მიზეზითად ბიძინა ივანიშვილი.
„დრო გავიდა მას შემდეგ, რაც დავტოვე თანამდებობა და არ დაგიმალავთ ჩემი გული და გონება ყოველთვის იყო კონცენტრირებული პროცესებზე, რომელიც მიმდინარეობდა ქვეყანაში. ვღელავდი, რადგან გარკვეული პრობლემები ჩამოყალიბდა ამ პერიოდის განმავლობაში, რაზეც პარტიის თავმჯდომარემ ისაუბრა, რის გამოც ის დაბრუნდა პოლიტიკაში და მეც პრინციპში შემიძლია ვთქვა იგივე, ეს არის ის პრობლემები და მიზეზები. რის გამოც დავბრუნდი პოლიტიკაში. ვფიქრობ, რომ პარტიის თავმჯდომარემ გამოსვლაში მკაფიოდ ჩამოაყალიბა მიზეზები ჯერ კიდევ თვეების წინ, როცა შემობრუნდა პოლიტიკაში. ბუნებრივია, ყველაფერი კარგად რომ წასულიყო, ის ალბათ არ მობრუნდებოდა, ასევე მეც“, – განაცხადა ირაკლი ღარიბაშვილმა.
ირაკლი ღარიბაშვილმა ასევე აღნიშნა, რომ მისი მისია იქნება პარტიის გაერთიანება და გაძლიერება: " ჩვენი პირველი თაობის თანაპარტიელების, ასევე ახალი თაობის შეკავშირება უფრო მჭიდროდ, უფრო მეტი კოორდინაცია და გაერთიანება და გაძლიერება ჩვენი პარტიის. ეს იქნება ჩემი მთავარი მისია და მთავარი ამოცანა, რაზეც მე ვიმუშავებ პარტიის სხვა წევრებთან ერთად“, _ განაცხადა ირაკლი ღარიბაშვილმა.
