პროკურატურის ვებგვერდზე გამოქვეყნდა წერილი, რომელიც, უწყების თქმით, გუშინ მამუკა ხაზარაძემ სასამართლოში დაკითხვაზე მიიტანა. 

პროკურატურამ რამდენიმე წუთის წინ „თიბისის“ საქმეზე ბრიფინგი გამართა. 

იხილეთ გამოქვეყნებული წერილი: 

„დადასტურებულად ვიცით, რომ გვებრძვით და საქმე არ ეხება მხოლოდ ფინანსებს: 

ჩვენ ვთქვით, რომ მზად ვართ მოლაპარაკებებისთვის, თუმცა თქვენი მხრიდან გრძელდება დესტრუქციული ქმედებები. 

ყველანაირი წინაპირობის გარეშე: 

1. უახლოეს 5 დღეში TV1 უნდა დაჯდეს ტვ იმედის ტრენდზე, გადავიდეს მაუწყებლობის საგანგებო რეჟიმზე (ეს უნდა დავინახოთ არხის სარედაქციო პოლიტიკიდან). 
2. მ.ხ.-მ უნდა გააკეთოს ოფიციალური განცხადება, რომ მისთვის მიუღებელია ნაციონალური მოძრაობის რევანში. ქართულ ბიზნესს კარგად ახსოვს, როგორ ექცეოდნენ მას ნაციონალური მოძრაობის პირობებში და რომ ამის განმეორება მიუღებელია. მან უნდა მოუწოდოს ბიზნესმენებს, რომ მათ მსგავსი პოზიცია აქვთ, გაერთიანდნენ და ერთობლივად იმოქმედონ (შემდეგ უკვე მისი ინტერპრეტაციაა შესაძლებელი). 
3. „არტარეას“ უნდა დაეტყოს ობიეტურობის მაღალი ხარისხი. 

• ამ შემთხვევაში ჩვენ მზად ვართ, ვაწარმოოთ ჯანსაღი მოლაპარაკებები ყველანაირი წინაპირობის გარეშე. 
• წინააღმდეგ შემთხვევაში, გამოვიყენებთ ჩვენს ხელთ არსებულ ყველა სამართლებლივ და ობიექტურ საშუალებას და გავაკეთებთ ამას საჯაროდ, შიდა და საერთაშორისო მომხმარებლებისთვის“.