უმრავლესობის ლიდერმა, აჩიკო თალაკვაძემ, მამუკა ხაზარაძესთან დაკავშირებულ თემაზე ბრიფინგი გამართა. მან პროკურატურის მიერ გამოქვეყნებული წერილის შინაარსი შეაფასა და აღნიშნა, რომ მასზე არც ერთი მაიდენტიფიცირებელი ნიშანი არ არის დატანილი.
ასევე, თქვა, რომ ანაკლიის პორტის პროექტი სახელმწიფოებრივი პროექტია.
„ვინაიდან ანაკლიის პორტის საკითხი მოჰყავს ერთ-ერთ მთავარ არგუმენტად მხარეს და არის მუდმივი საუბარი, ხომ არ უკავშირდება ანაკლიის ღრმაწყლოვანი პორტის პროექტს, მე მინდა ხაზგასმით და პირდაპირ განვაცხადო, რომ ეს არის სახელმწიფოს ეკონომიკისა და უსაფრთხოებისთვის ერთ-ერთი უმნიშვნელოვანესი პროექტი, რომლის წარმატებით განხორციელებისთვისაც სახელმწიფო აკეთებდა და გააკეთებს ყველაფერს. მიუხედავად იმისა, რა განწყობები და კერძო ინტერესი შეიძლება ჰქონდეს სხვადასხვა პირს ამ პროქტთან დაკავშირებით“.
მან ასევე ისაუბრა წერილის შინაარსზე. აღნიშნა, რომ გაუგებარია, რა შუაშია „ტვ პირველი“ მამუკა ხაზარაძესთან და ბრიფინგზე ტელევიზიის ჟურნალისტებს შეკითხვით მიმართა, აქვს თუ არა ხაზარაძეს რამე გავლენა მათზე.
მისივე თქმით, გაუგებარია „არტარეას“ საკითხი, რადგან ის პოლიტიკასთან არაფერ შუაშია და მხოლოდ კულტურასთან დაკავშირებულ საკითხებს აშუქებს.
„ასევე გაუგებარია „არტარეას“ საკითხიც. თუნდაც თეორიულადად კი რაში შეიძლება უშლიდეს ხელს ხელისუფლებას, რომელიც ყველამ ვიცით, რომ კულტურასა და ხელოვნებაზე აკეთებს გადაცემებს და საჯარო ლექციებს გადმოსცემს“,-თქვა თალაკვაძემ.
