პროკურორმა არჩილ ტყეშელაშვილმა ჟურნალისტებს განუცხადა, რომ გიორგი ქადაგიძემ გამოძიების შეკითხვებს პასუხი ვერ გასცა.
„გიორგი ქადაგიძემ, ფაქტობრივად, გამოძიების შეკითხვებს პასუხი ვერ გასცა. როგორც მან განაცხადა, არც „თიბისი“ ბანკის შემოწმების პასუხი ახსოვს და არც შედეგები. შესაბამისად, გამოძიებას მან ვერ მიაწოდა ვერანაირი მნიშვნელოვანი ინფორმაცია, ვინაიდან ყევლაფერზე აცხადებდა, რომ ეს დეტალები მას არ ახსოვს“, - თქვა ტყეშელაშვილმა.
მისი თქმით, გამოძიებას მასთან შეკითხვები 2008 წელს „თიბისი ბანკის“ შემოწმების პროცესთან დაკავშირებით ჰქონდა.
„ქადაგიძე 2008 წელს იყო საფინანსო ზედამხედველობის სააგენტოს უფროსი. აღნიშნულ პერიოდში აღნიშნულმა სააგენტომ შეამოწმა „თიბისი ბანკი“ და გიორგი ქადაგიძე იყო ხელმძღვანელი ამ პერიოდში ამ სააგენტოში. შესაბამისად, ვინაიდან ჩატარებულია შემოწმება, ჩვენ გაგვიჩნდა შეკითხვები შემოწმების პროცესთან დაკავშირებით, შემოწმების შედეგებთან დაკავშირებით და როგორც გიორგი ქადაგიძე აცხადებს, მას არ ახსოვს არც შემოწმების პროცესი, არც შემოწმების შედეგები“,-განუცხადა პროკურორმა ჟურნალისტებს.
