რუსეთის საგარეო საქმეთა სამინისტროს მტკიცებით აშშ-ის საელჩოს თანამშრომელს შერემეტევოს აეროპორტში „ბომბის მსგავსი საგანი“ აღმოუჩინეს. ინფორმაციას რუსული სახელმწიფო საინფორმაციო სააგენტო TASS ავრცელებს.
სამინისტროს მტკიცებით, ნაპოვნ ბომბს დეტონატორი ჰქონდა, თუმცა ასაფეთქებელი ნივთიერების გარეშე იყო. TASS-ის ინფორმაციით, რუსეთის საგარეო საქმეთა სამინისტრომ ინციდენტი „პროვოკაციად“ შეაფასა.
ჯერ-ჯერობით არ ვრცელდება დაკავებულის ვინაობის შესახებ ინფორმაცია. თუმცა TASS-ის მიხედვით, საელჩოს თანამშრომელს ნივთი ჩამოართვეს და ნიუ-იორკში გაფრენის საშუალება მისცეს. შემთხვევის შესახებ კი დაუყონებლივ აცნობს ამერიკის საელჩოს.
