საქართველოს პრემიერ-მინისტრის, მამუკა ბახტაძის თქმით, „გაზპრომთან“ მოლაპარაკება, ფაქტობრივად, დასრულებულია. საქართველოს, მოლაპარაკებისას, როგორც ბახტაძე ამბობს, ორი მიზანი ჰქონდა - ენერგოდამოუკიდებლობა და კონტრაქტის გაუმჯობესება, რასაც სრულად მიაღწია.
„გაზპრომთან“ მოლაპარაკებები, ფაქტობრივად, არის დასრულებული. მინდა, შეგახსენოთ ის პრინციპები, რომლითაც ეკონომიკის სამინისტრო ხელმძღვანელობდა მოლაპარაკებების წარმართვისას - პირველი ესაა ჩვენი ენერგოდამოუკიდებლობა და მეორე ის, რომ ჩვენი პოზიციები გაუმჯობესებულიყო ამ კონტრაქტში.
ეკონომიკის სამინისტრო დეტალურად განმარტავს ამ საკითხს. თუმცა, ბუნებრივია, მოლაპარაკებები დასრულდა ამ ორივე პრინციპის სრული დაცვით“, - განაცხადა მამუკა ბახტაძემ.
