ბრიტანულმა ტაბლოიდმა Daily mail-მა ახალ ზელანდიაში მომხდარი ტერორისტული აქტის დროს სავარაუდოდ გამოყენებული ცეცხლსასროლი იარაღის მჭიდების ფოტოსურათები გამოაქვეყნა. მათზე დატანილი იყო სიმბოლოები და წარწერები სხვადასხვა ენაზე, მათ შორის ქართულზეც. საქართველოს სახელმწიფო უსაფრთხოების სამსახური ტაბლოიდის ინფორმაციას განცხადებით ეხმაურება;
„საქართველოს სახელმწიფო უსაფრთხოების სამსახური უკვე თანამშრომლობს სტრატეგიულ პარტნიორებთან, რათა მოხდეს დეტალური ინფორმაციის მიღება მომხდარი ტერორისტული აქტის დროს დაკავებული პირებისა და ამოღებული იარაღის შესახებ. სახელმწიფო უსაფრთხოების სამსახური უსამძიმრებს ახალი ზელანდიის მოსახლეობას მომხდარი ტერორისტული აქტის გამო“, - აცხადებს სახელმწიფო უსაფრთხოების სამსახური
