მოზამბიკში ციკლონ „იდაის“ შედეგად დაღუპულთა რაოდენობა შესაძლოა, 1000-ს უტოლდებოდეს - ამის შესახებ მოზამბიკის პრეზიდენტმა ფილიპე ნიუსიმ განაცხადა. ორშაბათს იგი სტიქიის ზონაში გადაფრინდა, სადაც, მისი თქმით, მდინარეში მოტივტივე გვამები დაინახა.
BBC-ის ინფორმაციით, შტორმა, რომლის ქარის სიჩქარეც 177 კმ/საათს მიაღწია, საპორტო ქალაქ ბეირაში მეწყერი გამოიწვია.
გაეროს თანამშრომელმა BBC-ის განუცხადა, რომ ბეირაში ყველა შენობა დაზიანდა, ზარალი კი ნახევარი მილიონი ადამიანის სახლს მიადგა.
ოფიციალური მონაცემებით, მოზამბიკში წყალდიდობისა და ძლიერი ქარის შედეგად 84 ადამიანი დაიღუპა. სამხრეთ აფრიკის მასშტაბით, ციკლონს დაახლოებით 180 ადამიანი ემსხვერპლა.
ზიმბაბვეში, ოფიციალური მონაცემებით, 98 ადამიანია დაღუპული, 217 კი ამ დრომდე იძებნება.