პარლამენტის პლენარულ სხდომაზე „პატრიოტთა ალიანსის“ დეპუტატმა გიორგი ლომიამ ჰომოფობიური განცხადება გააკეთა. მან თქვა, რომ ლგბტი თემის წევრებს დღეს ქვეყანაში უფრო მეტი დაცვა აქვს, ვიდრე კონსერვატიულად მოაზროვნე ადამიანს.
„დაახლობით 5 დღეა, ფეისბუქზე ტრიალებს რგოლი, სადაც ახალგაზრდა „ელგებეტეს“ წარმომადგენელი ცეკვავს, აბიჯებს ბიბლიას, შეურაცხყოფს ხატებს. ეს ყველაფერი ხდება იმიტომ, რომ რელიგიური გრძნობების შეურაცხყოფისთვის ჯერ არავინ დასჯილა ჩვენს ქვეყანაში.
დღეს ახალგაზრდები ჯარში არ მიდიან და მიმართავენ თაღლითურ ხერხს, მიდიან სადღაც და ფორმდებიან ეკლესიის მსახურად. ეს იმიტომ ხება, რომ საბავშვო ბაღში, სკოლებში ასწავლიან, რომ ერთსქესიანთა ქორწინება არის ნორმა, რომ მამაკაცმა უნდა ჩაიცვას კაბა. იმას კი არ ასწავლიან, რა არის სამშობლო და სამშობლოს სიყვარული.
დღეს რომ ვინმე გამოვიდეს და შენიშვნა მისცეს ელგებეტე წარმომადგენელს, მასმედიის მეშვეობით, უბრალოდ, შეჭამენ, გადაყლაპავენ. ყველა უწოდებს მას ბნელს, „გრუზინს", ამაშიც სახელმწიფო ხელს უწყობს იმიტომ, რომ ის არ ისჯება, მას უფრო მეტი დაცვა აქვს, ვიდრე კონსერვატიულად მოაზროვნე ადამიანს.
ეს ყველაფერი მხოლოდ იმიტომ ხდება, რომ თქვენ [ხელისუფლება] იღებთ კანონებს, რომელიც ტრადიციის, ისტორიის, კულტურის წინააღმდეგ არის მიმართული. ეს არის თქვენი ბრალი, ეს არის ჩვენი ხელისუფლების ბრალი.
ჩვენ ვერ ვზრდით ახალგაზრდებს, ვერ ვასწავლეთ სამშობლოს სიყვარული. მან იცის, რომ მისი სხეული მას ეკუთვნის. ეს ასწავლეს არასამთავრობო ორგანიზაციებმა", - განაცხადა პარლამენტში გიორგი ლომიამ.
