პარლამენტმა უზენაესი სასამართლოს მოსამართლეების არჩევის წესთან დაკავშირებით უმრავლესობის ინიცირებულ კანონპროექტს მხარი დაუჭირა.
„საერთო სასამართლოების შესახებ“ კანონში დაგეგმილ ცვლილებებს პირველი მოსმენით 89 დეპუტატმა დაუჭირა მხარი. კანონპროექტის წინააღმდეგ 31-მა დეპუტატმა მისცა ხმა.
31 დეპუტატს შორის, ვინც კანონპროექტის წინააღმდეგ წავიდა, 13 „ევროპული საქართველოს“ წევრია, 4 „ნაციონალური მოძრაობის“, 7 უფრაქციო, 4 დეპუტატი „პატრიოტთა ალიანსიდან“, ხოლო 3 უმრავლესობიდან იყო.
უმრავლესობის წევრებიდან კობახიძის კანონპროექტის წინააღმდეგ ხმა ბიძინა გეგიძემ, ალექსანდრე ერქვანიამ და ლევან კობერიძემ მისცეს.
უმრავლესობის 8 წევრი კანონპროექტის განხილვას ესწრებოდა, მაგრამ კენჭისყრაში მონაწილეობა არ მიუღია: ირაკლი აბუსერიძეს, გოგა გულორდავას, გოჩა ენუქიძეს, ედიშერ თოლორაიას, კობა კობალაძეს, სავალან მირზოევს, გოჩა ჩანქსელიანს და ირაკლი ხახუბიას ხმა არც უმრავლესობის კანონპროექტის სასარგებლოდ და არც მის წინააღმდეგ არ მიუცია.
პარლამენტმა უზენაესი სასამართლოს შესახებ კობახიძის კანონპროექტი პირველი მოსმენით მიიღო