როგორ ახერხებთ, რომ მათთან [ოპოზიციასთან] ბრძოლიდან ყოველთვის გამარჯვებული გამოდიხართ? - ამ შეკითხვით იუსტიციის მინისტრ თეა წულუკიანს „ქართული ოცნების" დეპუტატმა კობა ლურსმანაშვილმა მიმართა.
მისი თქმით, წულუკიანი ოპოზიციისგან ხშირად ხდება „უსაფუძვლო თავდასხმების" ობიექტი.
დეპუტატი ასევე დაინტერესდა, როგორ ახერხებს მინისტრი, ყოველთვის გაუღიმოს ოპოზიციას.
„როგორ ახერხებთ მათთან ბრძოლიდან ყოველთვის გამარჯვებული გამოხვიდეთ და გაუღიმოთ ისედაც შოკში მყოფ წინა რიგებში მსხდომ ჩვენს ოპონენტებს, განსაკუთრებით კი რომან გოცირიძე „მეკუპონეს"?!" - თქვა დეპუტატმა.
მსგავსი პათოსის შეკითხვებით 2018 წლის ივნისში თეა წულუკიანს პარლამენტში „ქართული ოცნების" კიდევ ერთმა დეპუტატმა, ვანო ზარდიაშვილმა მიმართა. სხვა საკითხებთან ერთად, იგი დაინტერესდა, თუ როგორ მოახერხა მან, რომ „ადამიანის უფლებები აყვანილია აბსოლუტურად სხვა რანგში?"
ვიდეო ►ზარდიაშვილი წულუკიანს - როგორ მოახერხეთ, რომ ადამიანის უფლებები აყვანილია სხვა რანგში
„როგორ მოახერხეთ, ქალბატონო თეა, რომ“ - ნატა ფერაძე Facebook-ზე „ქარდებს" ავრცელებს
გუშინ პარლამენტის პლენარულ სხდომაზე, სადაც „ქართული ოცნების" მიერ მომზადებულ კანონპროექტს განიხილავდნენ უზენაესი სასამართლოების მოსამართლეთა შერჩევის წესის შესახებ, მსგავსი ტიპის რიტორიკული შეკთხვებით დეპუტატმა დავით მათიკაშვილმა ანრი ოხანაშვილს მიმართა.
„რატომ გსურთ სასამართლოში მაღალი დონის პროფესიონალები?!" - ჰკითხა მათიკაშვილმა დეპუტატს.
რატომ გსურთ სასამართლოში მაღალი დონის პროფესიონალები?! - მათიკაშვილის შეკითხვები ოხანაშვილს