„გაერთიანებული ოპოზიცია - ძალა ერთობაშიას“ ზუგდიდის მერობის კანდიდატი სანდრა რულოვსი იქნება. ამის შესახებ ოპოზიციამ ბრიფინგზე ცოტა ხნის წინ განაცხადა.
სანდრა რულოვსი საქართველოს მესამე პრეზიდენტის მიხეილ სააკაშვილის მეუღლეა, ის ზუგდიდში ოპოზიციის კანდიდატი ერთხელ უკვე იყო.
სანდრა რულოვსი „ნაციონალური მოძრაობის“ სახელით, ზუგდიდის მაჟორიტარულ ოლქში 2016 წლის საპარლამენტო არჩევნებში მონაწილეობდა, „ქართული ოცნების“ კანდიდატთან მეორე ტურში გავიდა, რომელშიც მონაწილეობა აღარ მიუღია.