საქართველოს პარლამენტის თავმჯდომარის ირაკლი კობახიძის თქმით, „თავისუფალი დემოკრატების“ და „ევროპული საქართველოს“ საარჩევნო ბლოკში გაერთიანება იმაზე მტყველებს, რომ მათ თავიანთი პრინციპები არ აქვთ.
კობახიძის თქმით, შალვა შავგულიძე, რომელიც სასამართლოს საკითხებზე ხელისუფლებას ედავებოდა, გირგვლიანის მკვლელებთან დადგა.
„თქვენ გახსოვთ, რომ როდესაც საუბარი იყო სასამართლოზე, კონკრეტულ სახელებსა და გვარებზე, საუბარი იყო ჩინჩალაძეზე, მურუსიძეზე. შალვა შავგულიძე ამ საკითხთან დაკავშირებით გამოდიოდა და თავის პრინციპულ პოზიციას აფიქსირებდა.
დღეს ეს ადამიანი დგას გირგვლიანის მკვლელების გვერდით. რაც მხოლოდ იმაზე მეტყველებს, რომ ადამიანებს, რომლებიც ჩვენ რაღაცებზე გვედავებიან, არ აქვთ არანაირი პრინციპები და ეს ამის დადასტურებაა“, - განაცხადა ირაკლი კობახიძემ.
მთაწმინდის მაჟორიტარულ ოლქში „თავისუფალი დემოკრატების“ თავმჯდომარე შალვა შავგულიძე მისი პარტიის და „ევროპული საქართველოს“ საერთო კანდიდატი იქნება. ორი პარტია საარჩევნო ბლოკში გაერთიანდა.