პარლამენტის თავმჯდომარემ, ირაკლი კობახიძემ უპასუხა ჟურნალისტების შეკითხვას იმის შესახებ, რომ მისი ოპონენტების თქმით, დაპირისპირებაში „ქართული ოცნების" ლიდერი ბიძინა ივანიშვილი დგას მის გვერდით.
„ბიძინა ივანიშვილი კი არ დგას ჩვენს გვერდით, ჩვენ ვდგავართ მის გვერდით იმიტომ, რომ ის არის პარტიის ლიდერი. ასე მარტივადაა ეს ყველაფერი და ბუნებრივია, სხვა ალტერნატივა ამას არ აქვს. როცა გუნდს ჰყავს ლიდერი, ბუნებრივია, გუნდის წევრები უნდა დადგნენ გუნდის ლიდერთან ერთად. ეს არის რეალური სურათი და ამას შეტრიალება არ სჭირდება. არასწორია ამ სურათის შეტრიალება“, - განაცხადა ირაკლი კობახიძემ.