საქართველოს პრეზიდენტი სალომე ზურაბიშვილმა „NATO-საქართველოს სწავლება 2019-ის" მონაწილეებს მიმართა.

„„NATO-საქართველოს არსებითი პაკეტის ფარგლებში ჩატარებული წინა სწავლებისგან განსხვავებით, წელს მონაწილე სახელმწიფოების რიცხვი 10-ით გაიზარდა და უკვე NATO-ს 24 წევრი და პარტნიორი ქვეყანაა ჩართული ამ მნიშვნელოვან ფორმატში", - განაცხადა სალომე ზურაბიშვილმა და დასძინა, - „საქართველოს სვლა NATO-სკენ და ამ გზით ქვეყნის თავდაცვისუნარიანობის გაძლიერება არავის წინააღმდეგ არ არის მიმართული და არანაირი მუქარა ჩვენს მიმართ არ არის გამართლებული. საქართველო თავისუფალი, სუვერენული ქვეყანაა და ის თავისუფლად აკეთებს არჩევანს და ირჩევს მოკავშირეებს. ჩვენი ეს არჩევანი არა მხოლოდ აძლიერებს საქართველოს თავდაცვისუნარიანობას და მის უსაფრთხოებას, არამედ განამტკიცებს რეგიონში სტაბილურობას და საფუძველს უდებს ჩვენს მშვიდობიან პოლიტიკას. ეს არის ერთადერთი სწორი და ერთადერთი მომავალზე ორიენტირებული არჩევანი, ამიტომ ჩვენ ბოლომდე მივყვებით ჩვენს მიერარჩეულ გზას - მეტი ნატო საქართველოში და მეტი საქართველო - NATO-ში!"- აღნიშნა საქართველოს პრეზიდენტმა.

„NATO-საქართველოს სწავლება 2019“ სამეთაურო-საშტაბო სწავლებაა, რომელიც 18-29 მარტის ჩათვლით JTEC-ში იმართება და მასში 350 სამხედრო და სამოქალაქო პირი იღებს მონაწილეობას.