პირადი ცხოვრების ამსახველი ფარული ვიდეოჩანაწერების საქმეზე დაპატიმრებულ 4 ბრალდებულს აღკვეთის ღონისძიება შეეცვალა და გირაოს სანაცვლოდ დატოვეს სასჯელაღსრულების დაწესებულება.

როგორ „ლიბერალს" სასამართლოში განუცხადეს, აღკვეთის ღონისძიების გადახედვაზე სასამართლომ პროკურატურის შუამდგომლობის საფუძველზე იმსჯელა და დააკმაყოფილა უწყების შუამდგომლობა აღკვეთის ღონისძიების შეცვლაზე.

-

შინაგან საქმეთა სამინისტრო პირადი ცხოვრების ამსახველი ვიდეოჩანაწერის გავრცელების ბრალდებით 18 პირი დააკავა, მათგან 4 პირს პატიმრობა ჰქონდა შეფარდებული.

მათ ბრალი სისხლის სამართლის კოდექსის 157-ე პრიმა მუხლით ედებათ.157-ე​ პრიმა მუხლი ითვალისწინებს: 1. პირადი ცხოვრების საიდუმლოს უკანონოდ მოპოვება, შენახვა, გამოყენება, გავრცელება ან ხელმისაწვდომობის სხვაგვარი უზრუნველყოფა, – ისჯება თავისუფლების აღკვეთით, ვადით 4-დან 7 წლამდე. 2. პირადი ცხოვრების საიდუმლოს უკანონოდ გამოყენება ან/და გავრცელება ამა თუ იმ ხერხით გავრცელებული ნაწარმოების, ინტერნეტის, მათ შორის, სოციალური ქსელის, მასობრივი მაუწყებლობის ან სხვა საჯარო გამოსვლის მეშვეობით, − ისჯება თავისუფლების აღკვეთით, ვადით 5-დან 8 წლამდე.

ამავე თემაზე:

გიორგი გასვიანის „დანაშაული" - ბრალდებული, ვინც პირადი ცხოვრების კადრებს უყურა

ამავე თემაზე:

ბრალდებული, ვინც პირადი ცხოვრების კადრებს უყურა და მეგობარს გაუგზავნა, საკონსტიტუციოს მიმართავს

ამავე თემაზე:

ეკა ბესელია ჩანაწერების გამო დაკავებულებზე: არ მინდა ვატარო მათი ტკივილი და ტრაგედია