ადამიანის უფლებების კომიტეტის თავმჯდომარის სოფო კილაძის თქმით, ქვეყანაში არსებული შრომის უსაფრთხოების პოლიტიკა არსებულ გამოწვევებს ვერ პასუხობს და საჭიროა სანქციების გამაკცრება. მან ასევე ისაუბრა მონიტორინგის მექანიზმის გაუმჯობესებაზეც.
"ჩვენი შრომის უსაფრთხოების პოლიტიკა ვერ პასუხობს იმ გამოწვევებს, რომელიც დგას ქვეყნის წინაშე და ამიტომ გვყავს გარდაცვლილი ადამიანები, რომელებიც დაიღუპნენ სამუშაო ადგილებზე, რადგან არ იყო შრომის უსაფრთხოება დაცული. ჩვენ გვჭირდება სანქციების გამკაცრება რაც შესაბამის თანხებს მოითხოვს ბიუჯეტიდან.
გავამკაცროთ სანქციები, რომ უპასუხისმგებლო კომპანიებმა თავისი ინტერესებიდან გამომდინარე მიაქციონ ყურადღება მუშაკებს. ასევე საიჭროა აღსრულების მექანიზმის გაუმჯობესება."- განაცხადა სოფო კილაძემ.
ორი დღის წინ ჭავჭავაძის გამზირზე სამშენებლო ობიექტზე ორი მუშა დაიღუპა. მუშების დაღუპვა გუშინ აქციაზე გააპროტესტეს მოქალაქეებმა.
