„ჩემი მიზანი სიმართლის დამტკიცებაა“, - თქვა თბილისის მთავარი სამმართველოდან გამოსულმა ანა ბაგრატიონ-გრუზინსკიმ ჟურნალისტებთან.

ის ყოფილი მეუღლის, დავით ბაგრატიონ-მუხრანელის მხრიდან შესაძლო ფიზიკურ ძალადობის საკითხზე რამდენიმე საათი იკითხებოდა.

„ჩემი მიზანი არ არის გასამართლდეს დავით ბაგრატიონ-მუხრანელი. სამხარაულის სამედიცინო ექსპერტიზის დოკუმენტი უბრალოდ, ერთ-ერთ საქმეში იყო ჩადებული და შემდეგ რაღაც სიტუაციამ ამოატივტივა. ჩემი მიზანი სიმართლის დამტკიცებაა“, - თქვა დაკითხვის დასრულების შემდეგ ანა ბაგრატიონმა.

ანა ბაგრატიონის შესაძლო ცემის ფაქტზე გამოძიება შინაგან საქმეთა სამინისტრომ, 126-ე პრიმა მუხლით დაიწყო, რაც ოჯახში ძალადობას გულისხმობს. 

იმის შესახებ, რომ დავით ბაგრატიონის ანა ბარგრატიონს ხშირად სცემდა,  კურიერს ანა ბაგრატიონის ადვოკატმა, ლევან გორელაშვილმა უთხრა. 

ანა ბაგრატიონის ადვოკატი, ლევან გორელაშვილი საუბრობს სამხარაულის ექსპერტიზის დასკვნის შესახებაც. დასკვნა 2014 წლის 20 მაისს, ანას ცემიდან მეთერთმეტე დღესაა გაცემული.