Search
"ლიბერალი" მისამართი: თბილისი, რუსთაველის 50 ტელეფონი: +995 32 2470246 ელ. ფოსტა: [email protected] Facebook: https://www.facebook.com/liberalimagazine
გაგზავნა
გაგზავნა

ხიდან ხეზე აუცილებლად გადაფრინდება ჩიტი - დეპუტატი ტერენტი გრანელს ბოდიშს უხდის

12 აპრილი, 2019 15:55

„ტერენტი გრანელი პოეტიც იყო და პროზაიკოსიც, მაგრამ მე მინდა საზოგადოებას და ტერენტი გრანელს მოვუხადო ბოდიში, რომ დღევანდელი საღამო არ გამოგვივიდა მშვიდი, მაგრამ ხიდან ხეზე აუცილებლად გადაფრინდება ჩიტი“, - ამის შესახებ ჟურნალისტებთან ირაკლი პატარიძემ განაცხადა. 

ირაკლი პატარიძე ბათუმის მუნიციპალიტეტის საკრებულოს განათლების, კულტურის, ტურიზმისა და სპორტის საკითხთა კომისიის თავმჯდომარეა. 

დღეს ბათუმის საკრებულოში სხდომაზე სასწრაფო დახმარების ბრიგადა გამოიძახეს. საკრებულოს დეპუტატი „ნაციონალური მოძრაობიდან" როინ ზოიძე ფიზიკური დაპირისპირების დროს დაშავდა. 

ფიზიკური დაპირისპირება და კამათი ბათუმში ტერენტი გრანელის ბიუსტის დადგმის საკითხის განხილვას მოჰყვა.„ერთიანი ნაციონალური მოძრაობის“ წევრმა მირდატ ქამადაძემ განათლების კომისიის თავმჯდომარეს ჰკითხა, ტერენტი გრანელი პოეტი იყო თუ პროზაიკოსი. 

მოხსენების წარდგენისას კომისიის თავმჯდომარემ თქვა, რომ ქალაქში პროზაიკოსის ბიუსტის დადგმას გეგმავდნენ.

„კითხვა დავსვი, განმარტებით ბარათშიც უწერია და მოხსენების დროსაც თქვა, რომ დიდ პროზაიკოსს ვუდგამთ ბიუსტს. ვკითხე პროზაიკოსია თუ პოეტი? ან დამისახელე ერთი პროზაული ნაწარმოები-მეთქი. ამას მოჰყვა აგრესია, იმიტომ, რომ არ აქვს ინტელექტი ადამიანს და გადმოდის აგრესიაზე'', - თქვა ჟურნალისტებთან ''ერთიანი ნაციონალური მოძრაობის“ წევრმა მირდატ ქამადაძემ. 

ტერენტი გრანელი პოეტი იყო თუ პროზაიკოსი? - კითხვას ბათუმის საკრებულოში დაპირისპირება მოჰყვა

კომენტარები

ამავე რუბრიკაში

12 დეკემბერი
12 დეკემბერი

რა მოხდა „ლიბერალში"

დეკემბრიდან „ლიბერალის" რედაქციამ მუშაობა შეწყვიტა. ახალმა სარედაქციო გუნდმა ჟურნალში მუშაობა 2019 წლის ივნი ...
29 ნოემბერი
29 ნოემბერი

დროა მხარეებმა ერთმანეთთან საუბარი დაიწყ ...

საქართველოში ევროკავშირის ელჩმა, კარლ ჰარცელმა ჟურნალისტებს ხელისუფლებისა და ოპოზიციის წარმომადგენლებს შორის ხვალ დაანონ ...
29 ნოემბერი
29 ნოემბერი

გრიგორი კარასინი თბილისში რუსული ცენტრის ...

თბილისში რუსული ენისა და კულტურის ცენტრი დეკემბერის შუა რიცხვებში გაიხსნება, რაც რუსეთ-საქართველოს შორის ურთიერთობების გ ...
^