რუმინეთის პრემიერ-მინისტრთან ერთობლივ პრესკონფერენციაზე საქართველოს პრემიერ-მინისტრმა ოკუპირებულ ტერიტორიებზე არსებული მდგომარეობის შესახებ ისაუბრა.
„ვსარგებლობ შემთხვევით და მადლობას ვუხდი ჩვენს კოლეგებს საქართველოს სუვერენიტეტისა და ტერიტორიული მთლიანობის მტკიცე მხარდაჭერისთვის. შეხვედრებზე განვიხილეთ საქართველოში არსებული ძალიან მტკივნეული გამოწვევები. რუსეთის ფედერაცია აგრძელებს ჩვენი ტერიტორიების 20%-ის ოკუპაციას. ოკუპირებულ ტერიტორიებზე ადამიანის უფლებების დაცვის თვალსაზრისით სიტუაცია კატასტროფულია. შეიძლება ითქვას, რომ ოკუპირებულ ტერიტორიებზე ჩვენ გვაქვს ჰუმანიტარული კატასტროფა. ჩვენ, მეგობრებთან ერთად, მომზადებული გვაქვს სამშვიდობო ინიციატივა, რომლის მთავარი მიზანია, შევაჩეროთ ამ ტერიტორიებზე არსებული ჰუმანიტარული კატასტროფა. რუსეთი არ ასრულებს ნაკისრ ვალდებულებებს, რომელიც მან ჯერ კიდევ 2008 წელს აიღო, რომ გაიყვანოს ჯარები საქართველოს ტერიტორიიდან“, - განაცხადა პრემიერმა.
