სააგენტო Reuters-ის ცნობით, პარიზის ღვთისმშობლის ტაძრის სტრუქტურა სრულად არ განადგურებულა.
იმავეს წერს სააგენტო AFP, რომლის ცნობით, გოთიკური ტაძრის ძირითადი სტრუქტურა შენარჩუნებულია, მათ შორის ჩრდილოეთის კოშკი. ჯერჯერობით, უცნობია, რა ბედი ეწია ტაძარში დაცულ ხელოვნების ნიმუშებსა და არტეფაქტებს.
ქვეყნის პრეზიდენტმა, ემანუელ მაკრონმა მომხდარს დიდი ტრაგედია უწოდა და განაცხადა, რომ ნოტრ-დამი აღდგება.
„ეს იყო ჩვენი ისტორია და ის იწვის“, - თქვა მაკრონმა.
— Alexandre Fremont (@alex_fremont) 15 апреля 2019 г.
საფრანგეთს სხვადასხვა ქალაქების ეკლესიებიდან ზარების რეკვის ხმა ისმის.
Les cloches de Saint-Germain sonnent pour #NotreDame pic.twitter.com/sqmjGCZtri
— Gautier Boband (@g_boband) 15 апреля 2019 г.
პარიზის ღვთისმშობლის ტაძარში 15 აპრილის საღამოს ხანძარი გაჩნდა. ხანძრის შედეგად ჩამოინგრა ტაძრის შპილი და გუმბათი.
ხანძრის გაჩენის მიზეზი უცნობია, თუმცა გავრცელებული ინფორმაციით, ის სავარაუდოდ სარეაბილიტაციო სამუშაოებს უკავშირდება. პარიზის პორკურატურამ გამოძიება დაიწყო.
პარიზის ქუჩებში ათასობით ადამიანია შეკრებილი.
პარიზის ღვთისმშობლის ტაძარი, გოთიკური არქიტექტურის ერთ-ერთი ყველაზე გამორჩეული ძეგლია.
ნოტრ-დამის მშენებლობა მე-12 საუკუნეში დაიწყო და მე-13 საუკუნის შუა პერიოდამდე გრძელდებოდა. ტაძარმა მისი არსებობის პერიოდში ბევრი გადაკეთება განიცადა და განახლდა მე-19 საუკუნეში.