ვიტალი საფაროვის მკვლელობის საქმეზე მოსამართლემ ორივე ბრალდებულის პატიმრობაში დატოვა. ბრალდებულებს პატიმრობა აღკვეთის ღონისძიების სახედ ჰქონდათ შეფარდებული. ბრლადებულების დაცვის მხარე გირაოს შეფარდებას ითხოვდა, ერთისთვის 1000 ლარიან გირაოს, ხოლო მეორესთვის 10 000 ლარიან გირაოს.
დღეს ვიტალი საფაროვის მკვლელობის საქმეზე თბილისის საქალაქო სასამართლოში პირველი პროცესი გაიმართა.
პროცესისი დაწყებამდე მოკლული ვიტალი საფაროვის ოჯახის მხარდასაჭერად თბილისის საქალაქო სასამართლოსთან აქცია გაიმართა. აქციის მონაწილეებმა განაცხადეს, რომ სიძულვილი და ქსენეფობია დაუშვებელია.
25 წლის უფლებადამცველი ვიტალი საფაროვი 2018 წლის 30 სექტემბერს მოკლეს. ის არასამთავრობო ორგანიზაცია „ჩართულობისა და განვითარების ცენტრში“ მუშაობდა.