„მოსამართლეთა შერჩევის კრიტერიუმებზე კანონპროექტში ვენეციის კომისიის რეკომენდაციები აისახება და სხდომაზე მისი განხილვა ხვალ გაგრძელდება“, – ამის შესახებ საქართველოს პარლამენტის თავმჯდომარემ, ირაკლი კობახიძემ განაცხადა.
მისი თქმით, უმრავლესობის ფორმატში განხილვის შემდეგ მსჯელობა პლენარულ სხდომაზე გაგრძელდება.
„ტექსტი იქნება ასახული უკვე დოკუმენტში და ამის საფუძველზე ხვალ უკვე შედგება საბოლოოდ საგნობრივი განხილვა უმრავლესობის ფორმატში. ამის შემდეგ, ხვალ პარლამენტის პლენარულ სხდომაზე გაგრძელდება ამ კანონპროექტის განხილვა. ჩვენ იმ კოლეგების მოსაზრება გავიზიარეთ იმასთან დაკავშირებით, რომ უმჯობესია საბოლოო ტექსტი არსებობდეს, რომელზეც მსჯელობის საშუალება იქნება. ამის შემდეგ განვაგრძობთ პლენარულ ფორმატში მუშაობას. საპარლამენტო განხილვა ხვალ გაგრძელდება“, – განაცხადა კობახიძემ.