დავით ბაგრატიონ-მუხრანელი ანა ბაგრატიონ-გრუზინსკის შვილის ცემის კადრების გასაჯაროებით ემუქრება, იმ შემთხვევაში თუ ანა ბაგრატიონ-გრუზინსკი არ შეწყვეტს ყველა დავას სასაართლოში მის მიმართ. ამის შესახებ „ლიბერალს“ ანა ბაგრატიონ-გრუზინსკის ადვოკატმა ლევან გორელაშვილმა განუცხადა.
„ის გვთხოვს რომ დავები შევწყვიტოთ, საქალაქო სასამართლოს გადაწყვეტილება, წინააღმდეგ შემთხვევაში გვეუბნება, რომ კომპრომატები აქვს, რის გასაჯაროებითაც გვემუქრება. ის ითხოვს შევწყვიტოთ ჩვენი ნებით ყველა საქმე, რაც გვაქვს სასამართლოში. როგორც თვითონ ამბობს, აქვს ბავშვის ცემის კადრები, რაც არის მოგონილი და ტყუილი.
დღესვე შევუთვალეთ, რომ ჩვენ ამგვარ მეთოდებს არ ვექვემდებარებით. რაც არ მომხდარა იმისა კომპრომატები არც არსებობს და რომც არსებობდეს ამის გამო დავაზე ხელს არ ავიღებთ, რა თქმა უნდა“,-თქვა ლევან გორელაშვილმა
